Maider del Río Larramendi. Haur eta nerabeen psikologoa:
“Nire helburu nagusia, gertuko eta errespetuzko tratuarekin, bezoren beharrizanei erantzutea da. Tratamendu psikologikoa pertsona bakoitzak dituen beharrizanetara egokitzen dut, ahalik eta denbora gutxienean bezeroen ongizate emozionala eta psikologikoa lortzeko helburuarekin.”
NOIZ DA BEHARREZKOA?
Haurraren ohiko garapenean agertzen diren lehen ezohizko seinaleak atzemandako unera zuzentzen da arreta goiztiarreko psikologia arloa. Haurrengan nahasteren bat atzemandakoan, ezinbestekoa da lehen bai lehen esku hartzea, arazo hauek handitu edo beste zenbait aspektutara zabaldu ez daitezen.
Arreta goiztiarra zailtasunak dituen arlo psikologiak aurkitu eta hauek sorturiko nahasteetan lan eginez, estimulazio egoki baten bidez, hauek ekidin eta haurra behar bezalako garapena izatera zuzentzen dira, bere egoera psikologikoaren araberako lana eginaz.
Arreta goiztiarreko esku hartzea egiteko arrazoiak:
ZEINTZUK DIRA BERE ONURAK?
Arreta goiztiarra arazoa sortzen ari den unean aplikatzen da, adimen gaitasunak eta gaitasun fisikoak eskuratzen ari garenean hain zuzen ere. Honek, arazoa ez areagotzea eta gainerako garapenenetan ez eragitea dakar, pairatzen den arazoaren bilakaera ekidinez. Garapen helburu ezberdinak lortzeko, psikologia arlotik behar bezalako estimulazio eragiten zaio haurrari, kasuan kasuko tratamenduarekin eta garaiz lan egin ezkero, tratamenduak eraginkorragoak dira eta denbora gehiagoan irauten dute.
Tratamendua ez zaio arazoa duen haurrari bakarrik zuzentzen, bere senide eta gurasoei era bai. Haurra eta bere hezitzaile primarioek sistema familiarra osatzen dute eta behar beharrezkoa da osotasunean lan egitea emaitza onak lortu ahal izateko.
Arreta goiztiarreko tratamenduak arlo hauek barneratzen ditu: haurrarekin eta familiarekin psikoterapia, guraso eta zaintzaileei laguntza ta haurrarekin lan egiten duten beste profesionalekin koordinaketa.
NOIZ IKUSIKO DITUT ALDAKETAK?
Arreta goiztiarraren iraupena honen izaeraren araberakoak da, baina argi izan beharrekoa da garaiz egindako tratamenduek nerabezaroan egindakoek baina emaitza hobeak ematen dituztela. Tratamenduaren iraupenaren inguruan gehiago jakiteko, ezinbestekoa da gurekin harremanetan jarri eta arazoaren balorazio zehatza egitea.
NOIZ DA BEHARREZKOA?
Haurren psikologiak edo haurtzarako psikoterapiak onura handiak dakartza dagoeneko baditugun arazoetan eta aurrera begira sortu daitezkeenak ekiditeko. Haurrek ere izaten dituzte estresa, depresioa eta beldurrak bezalako arazoak, eta hauek gorputzean islatzen dira (lotarako zailtasuna edo gorputzeko minak) edo portaeran (negarrak, haserreak, hiperaktibitatea eta abar).
Haurren psikologia edo haurtzaroko psikoterapia tratamenduak hasteko arrazoiak arazo ezberdin askotatik etor daitezke. Sortutako arazoaren arabera, lanketa haurrarekin egin daiteke zuzenean edo guraso zein haurra tratatzen duten profesional ezberdinen bidez. Tratamendua irtenbide eta estrategia ezberdinak bilatzean datza, haurraren eta bere ingurune sozial, familiar eta eskolan agertzen diren arazoei aurre egiteko.
Haurren psikologian lantzen diren ohiko arazoak:
ZEINTZUK DIRA BERE ONURAK?
Haurraren egingo den lanerako kasuan kasuko arazoa aztertu eta dagokion tratamendua egingo da. Tratamenduak haurraz gain, gurasoak, eskola eta haurra ikusten duten gainerako profesionalez (pediatra, irakasleak, begiraleak) arduratuko da.
Haurtzaroko psikoterapiaren lanketa jolas bidez egiten da, erronkan guztiok parte hartu behar dugu “irabazi” ahal izateko. Jolas, marrazki, ipuin eta margoen bidez lan egiten da.
Haurtzaroko psikoterapiak dakartzan onurak bi dira nagusiki: haurrek aldaketak barneratzen dituzte (arrazonamenduan, pertzepzioan, motibatzeko gaitasunean, egoera zailei aurre egiteko eta abar), eta gurasoei jarraibide eta teknikak erakusten zaizkie zailtasun egoerei aurre egiteko.
NOIZ IKUSIKO DITUT ALDAKETAK?
Haurtzaroko psikologian 6 eta 8 saio bitartean behar izaten dira aldaketa esanguratsuak ikusteko.
NOIZ DA BEHARREZKOA?
Nerabeekin egiten den lan psikologikoa sarritan beharrezkoa izaten da garai korapilotsu honetan bizi dituzten egoerei aurre egiteko; nerabezaroan aldaketa biologiko, psikologiko eta sozial handiak egoten direnez. Aldaketa hauen intentsitateak askotan erronka handiegia izaten dira nerabeentzat. Kasu batzuetan, bide hau burutzerakoan, nerabeek krisiak izaten dituzte eta galduta aurkitzen dira, era askotako arazo emozionalei bide emanez; gehienetan bere gogo-aldartea eta jokabideei erreparatuz atzematen da arazoa. Horrelakoetan profesional baten laguntza onuragarria da oso arazo hauei aurre egiteko gaitasunak jaso eta nerabea bideratzeko. Oso garrantzitsua da esku hartze integrala izatea, non, nerabea bera eta bere familia eta eskola hartuko diren kontutan.
Nerabeen psikologia zerbitzuan agertzen diren ohiko arazoak:
ZENITZUK DIRA BERE ONURAK?
Nerabezaroa garai oso garrantzitsua da bizitzan, bertan, nagusi izatean izango garen pertsona mota definitzen da, pentsatzeko era, sentipenak eta bizitzaren aurrean jarduteko modua. Nerabezaroko psikologia zerbitzuak, nerabeak duen arazo jakinaren irtenbidea bilatuko da eta aldi berean bizitzaren beste arloetarako gaitasunak lortuko ditu, bere izaera definituko duen garaian. Nerabea gai izango da agertzen zaizkion erronkei aurre egiteko eta familia zein lagunekin erlazionatzeko gaitasun berriak hartuko ditu.
Nerabeen psikologia tratamenduan nerabeen psikoterapia, gurasoei aholkularitza, instituturako aholkularitza eta nerabea tratatzen duten beste profesionalekin (irakasle, mediku, begirale, sendiko beste kideak) kudeaketa burutzen dira.
NOIZ IKUSIKO DITUT ALDAKETAK?
Nerabeen psikologian 8 eta 10 saio bitartean behar izaten dira aldaketa esanguratsuak ikusteko.
